Main News

काठमाडौंको फोहोर भोलिदेखि उठाउने तयारी, अवरोध भए बल प्रयोग गर्ने चेतावनी

हिमालय टिभी
२०७८ भदौ १५ गते १४:५८
काठमाडौंको फोहोर भोलिदेखि उठाउने तयारी, अवरोध भए बल प्रयोग गर्ने चेतावनी

१५ भदौ २०७८ काठमाडौं । काठमाडौं उपत्यकाका विभिन्न सडक र चोकमा थुप्रिएको फोहोर भोलिदेखि उठाइने भएको छ ।

काठमाडौं महानगरपालिकाका प्रमुख विद्यासुन्दर शाक्यको संयोजकत्वमा काठमाडौंका प्रमुख जिल्ला अधिकारी, सडक विभागका महानिर्देशक, प्रहरी वरिष्ठ उपरीक्षकलगायतको बैठकले भोलि बिहान ६ बजेदेखि फोहोर उठाउने निर्णय गरेको हो ।

लामो समयसम्म फोहोर नउठाउँदा महानगरसँगै उपत्यकामा प्रदुषण बढ्ने भएकाले सरोकारवाला निकायसँगको छलफलपछि फोहोर उठाउने निर्णयमा पुगेको काठमाडौँ महानगरपालिकाका मेयर शाक्यले बताउनुभयो ।

मेयर शाक्यले फोहोर व्यवस्थापन गर्ने जिम्मेवारी महानगरपालिकाको मात्रै नभई सम्पूर्णको समस्या हो भन्दै त्यसैले सबैतिरबाट सकारात्मक सहयोगको अपेक्षा गरेको बताउनुभयो ।

फोहोर फाल्न सिसडोलका बासिन्दाले अवरोध गरे बल प्रयोग गर्ने बारेमा पनि बैठकमा छलफल छ ।

काठमाडौं महानगरपालिका, ललितपुर महानगरपालिकासहित नगरपालिकाले सडकको अवस्था बिग्रिएको भन्दै फोहोर उठाउन छाड्दा शहरका सडक, गल्ली, चोक र नदी किनारमा पनि फोहोरका डंगुर छन् ।

प्रतिक्रिया

Leave a Reply

Your email address will not be published. Required fields are marked *