अफगानिस्तानबाट उद्धार गरिएका थप १ सय ५० जना नेपाली आज स्वदेश फर्कँदै

७ भदौ २०७८ काठमाडौं । अफगानिस्तानबाट उद्धार गरिएका थप १ जना ५० जना नेपाली आज स्वदेश फर्कंदैछन् ।

आज दिउँसो सवा चार बजे जोर्डन एभिएसनको चार्टर उडानमार्फत स्वदेश फर्कने तय भएको नेपाल नागरिक उड्डयन प्राधिकरणले जनाएको छ ।

हिजोसम्म अफगानिस्तानमा रहेका ५ सय ४ जना नेपाली फर्किसकेका छन् ।

त्यस्तै हिजो साँझसम्म थप ३ सय ५६ जना नेपालीले उद्धार तथा स्वदेश फिर्ती प्रक्रियाका लागि कन्सुलर विभागको बेव पोर्टलमा आफ्नो विवरण दर्ता गराएको परराष्ट्र मन्त्रालयले बताएको छ ।

मन्त्रालयले उपलब्ध गराइएको अनलाइन पोर्टल भाइबर, ह्वाट्सएपमा आफ्नो विवरण उपलब्ध गराउन आग्रह गरेको छ।

अफगानिस्तानको राजधानी काबुलमा नागरिक उड्डयन सेवाको हवाई जहाज आगमन अवतरण खुली नसकेकोसमेत मन्त्रालयले उल्लेख गरेको छ।