आज पनि देशका केही स्थानमा भारी वर्षाको सम्भावना

१९ साउन २०७८ काठमाडौं । आज पनि देशका विभिन्न स्थानमा मध्यम तथा केही स्थानमा भारी वर्षा हुने मौसमविद्ले बताएका छन् ।

आज दिउँसो देशभर सामान्यदेखि पूर्ण बदली भइ धेरै ठाउँमा हल्कादेखि मध्यम वर्षाको सम्भावना रहेको मौसम पूर्वानुमान महाशाखाका मौसमविद् गंगा नगरकोटीले जानकारी दिनुभयो ।

उहाँका अनुसार प्रदेश १, बागमती, गण्डकी, कर्णाली र सुदूरपश्चिम प्रदेशका एक÷दुई स्थानमा मेघ गर्जन र चट्याङ्गसहित भारी वर्षाको सम्भावना छ ।

भारी वर्षा हुने भएकाले पहाडी भू–भागमा भूक्षय, पहिरो तथा गेग्रानसहित पानी बग्ने जोखिम रहेको भन्दै उहाँले नदी तटीय क्षेत्रका बासिन्दालाई सतर्क हुन आग्रह गर्नुभएको छ ।