नेपाल समूहलाई छाडेर अघि बढ्ने निष्कर्षसहित एमालेको स्थायी कमिटीको बैठक बस्दै

१७ साउन २०७८ काठमाडौं । नेकपा एमालेको स्थायी कमिटीको बैठक आज बस्दैछ ।

दिउँसो ३ बजे तुलसीलाल स्मृति प्रतिष्ठानको कार्यालय च्यासलमा बस्नेगरी बैठक बोलाइएको एमाले पार्टी कार्यालय सचिव शेरबहादुर तामाङले जानकारी दिनुभयो ।

वरिष्ठ नेता माधवकुमार नेपाल पक्ष सहमतिमा आउन तयार नभएको भन्दै एमालेले नेपाल पक्षलाई छाडेर अघि बढ्ने निस्कर्षका साथ बैठक गर्न लागेको हो ।

हिजोका लागि बोलाइएको बैठक नेपाल पक्षसँग छलफलका लागि भन्दै अनौपचारिकतामा सीमित गरिएको थियो ।

एमाले नेता सुवासचन्द्र नेम्वाङले आजको स्थायी कमिटीको बैठक अघिसम्म पनि सहमतिको प्रयास जारी राख्ने बताउनुभयो ।