स्पष्टिकरण दिन्नौं, माफी माग्दैनौं : एमाले सांसद खापुङ (भिडियो रिपोर्टसहित)

४ साउन २०७८ काठमाडौं । नेकपा एमालेले प्रधानमन्त्री शेरबहादुर देउवालाई भोट दिनेलाई स्पष्टिकरण सोधेर कारवाही गर्ने तयारीप्रति असुन्तष्ट पक्षले कडा आपत्ति प्रतिक्रिया जनाएको छ ।

अध्यक्ष केपी शर्मा ओली पक्षको निर्णयमाथि नै उनीहरुले प्रश्न उठाएका छन् । देउवालाई भोट दिने मध्येका एक एमाले सांसद भवानी खापुङले स्पष्टिकरणको कुनै अर्थ नरहेको बताउनुभयो । पार्टीले नभई गुटले स्पष्टिकरण सोधेकाले त्यसलाई नमान्ने खापुङले बताउनुभयो ।

लोकतन्त्र, संविधान र संसद बचाउन प्रधानमन्त्री देउवालाई भोट हालेकोले माफी पनि नमाग्ने उहाँले प्रष्ट पार्नुभयो ।