विपक्षी गठबन्धनका कारण कोरोना नियन्त्रणमा समस्या भएको प्रधानमन्त्री ओलीको दाबी (भिडियो रिपोर्टसहित)

१८ असार २०७८ काठमाडौं । प्रधानमन्त्री एवं नेकपा एमालेका अध्यक्ष केपी शर्मा ओलीले विपक्षी गठबन्धनका कारण कोरोना नियन्त्रणमा समस्या भएको आरोप लगाउनुभएको छ ।

एमाले केन्द्रीय कमिटी बैठकमा प्रधानमन्त्री ओलीले सरकारले नियन्त्रण गर्न सरकारले निषेधाज्ञा लगाएपनि विपक्षी गठबन्धनले तोड्ने र आन्दोलन गरेर असहयोग गरेको आरोप लगाउनुभयो ।

विपक्षी गठबन्धनले देशमा अनुशासनहीन र छाडा अवस्था सिर्जना गर्न खोजेको आरोप लगाउनुभयो ।

राजनीतिक मुद्दालाई अदालत लगिएको भन्दै प्रधानमन्त्रीले आपत्ति जनाउनुभयो । विपक्षी गठबन्धनले अदालतललाई दबाब खोजेको पनि ओलीको आरोप छ ।

बैठकमा प्रधानमन्त्री ओलीले एमाले भित्रको नेपाल खनाल पक्षको पनि चर्को आलोचना गर्नुभयो । नेपाल खनाल पक्ष पार्टीलाई ध्वस्त बनाउने काममा लागेको र उसका गतिविधि लोकतन्त्रमा हुनै नसक्ने खालका भएको ओलीले टिप्पणी गर्नुभयो ।

छिटै ल्याएर सबैलाई कोरोना विरुद्धको खोप दिने पनि उहाँले बताउनुभएको छ ।