राजनीति

एमालेले बोलायो दशौं राष्ट्रिय महाधिवेशन आयोजक कमिटीको बैठक (भिडियो रिपोर्टसहित)

हिमालय टिभी
२०७८ असार १३ गते १३:१६
एमालेले बोलायो दशौं राष्ट्रिय महाधिवेशन आयोजक कमिटीको बैठक (भिडियो रिपोर्टसहित)

१३ असार २०७८ काठमाडौं । नेकपा एमालेले असार १६ गतेका लागि दशौं राष्ट्रिय महाधिवेशन आयोजक कमिटीको बैठक बोलाएको छ ।

आज बसेको स्थायी कमिटीको बैठकले असार १६ गते काठमाडौंमा बैठक बोलाएको प्रवक्ता प्रदीप ज्ञवालीले जानकारी दिनुभयो ।

पछिल्लो राजनीतिक स्थिति र राष्ट्रिय राजनीतिका आयामबारे थप छलफल गरेर निर्णय लिनुपर्ने भएकाले महाधिवेशन आयोजक कमिटीको बैठक बोलाइएको प्रवक्ता ज्ञवालीले जानकारी दिनुभयो ।

महाधिवेशन आयोजक कमिटीले कर्णाली प्रदेशका चार जना सांसदलाई कारवाही गर्ने र महाधिवेशन आयोजक कमिटीलाई मान्यता नदिने सर्वोच्च अदालतको आदेशलाई एमालेले त्रुटिपूर्ण र गम्भीर भनेको छ ।

उहाँले एमालेलाई एकताबद्ध बनाउनका लागि हरसम्भव प्रयास गरिरहेको पनि बताउनुभयो ।

प्रवक्ता ज्ञवालीले आफुहरु एकताको पक्षमा रहेपनि नेपाल खनाल पक्ष पार्टीलाई विभाजित गर्ने र प्रधानमन्त्री ओली नेतृत्वको सरकार गिराउन लागेकाले एकताको पक्षमा नरहेको बताउनुभयो ।

भिडियो हेर्न यो लिङ्कमा क्लिक गर्नुहोला

प्रतिक्रिया

Leave a Reply

Your email address will not be published. Required fields are marked *

यो पनि पढनुहोस्