कोरोना संक्रमण बढेपछि कोहलपुरमा भोलि रातिदेखि एक साताका लागि लकडाउन (भिडियो रिपोर्टसहित)

Himalaya Television
२०७८ वैशाख ११ गते १७:४७

कोरोना संक्रमण बढेपछि कोहलपुरमा भोलि रातिदेखि एक साताका लागि लकडाउन (भिडियो रिपोर्टसहित)

११ वैशाख २०७८ बाँके । कोरोना संक्रमण तिब्र भएपछि बाँकेको कोहलपुरमा पनि भोलि राति १२ बजेदेखि एक सातासम्म लकडाउन गरिने भएको छ ।

कोहलपुर नगरपालिकाको कोभिड नियन्त्रण तथा व्यवस्थापन समितिको आज बसेको बैठकले वैशाख १२ गते रातिदेखि लकडाउन गर्ने व्यवस्था गर्न प्रमुख जिल्ला अधिकारीलाई आग्रह गरेको छ ।

कोहलपुर नगरपालिका क्षेत्रमा २ सय ६१ जना कोरोनाका सक्रिय संक्रमित छन् । संक्रमितमध्ये हालसम्म ४ जनाको मृत्यु भएको छ ।

संक्रमितको उपचारका लागि कोहलपुर नगरपालिकाले एमबीएस चिकित्सकसहितको आइसोलेशन केन्द्र संचालन गर्दै आएको छ ।

केन्द्रमा ११ जना संक्रमित छन् । तिब्र रुपमा बढ्दै गएको कोरोना संक्रमणको चेन ब्रेक गर्न कोहलपुर नगर क्षेत्रमा लकडाउन गर्न लागिएको हो ।


प्रतिक्रिया

Leave a Reply

Your email address will not be published. Required fields are marked *

Latest Programs