Main News

एमालेमा नेपाल पक्षले ओली पक्षसँग सहजै सम्झौता नगर्ने संकेत (भिडियो रिपोर्टसहित)

हिमालय टिभी
२०७७ फागुन २६ गते १९:०७
एमालेमा नेपाल पक्षले ओली पक्षसँग सहजै सम्झौता नगर्ने संकेत (भिडियो रिपोर्टसहित)

२६ फागुन २०७७ काठमाडौं । नेकपा एमालेको माधवकुमार नेपाल पक्षले ओली पक्षसँग सहजै सम्झौता नगर्ने संकेत गरेको छ ।

आफूले पहिलेदेखि उठाउँदै आएको विधि पद्धतिको मुद्दामा बहस गर्ने नेपाल पक्षले बताएको छ । संसद भवन नयाँ बानेश्वरमा पत्रकारसँग वरिष्ठ नेता माधवकुमार नेपालले पार्टी भित्र विभिन्न विषयमा विमति रहेको र त्यसलाई कसरी सम्बोधन गर्ने भनेर विस्तृत छलफल गर्ने बताउनुभयो ।

पार्टीको बैठक बोलाउने विषयमा पनि आफूलाई केही थाहा नभएको उहाँले बताउनुभयो ।

एमालेका वरिष्ठ नेता नेपालले वर्तमान सरकार टिकाउने–नटिकाउने भन्ने बारेमा आफूलाई कसैले केही नभनेको बताउनुभयो ।

यस्तै अर्का वरिष्ठ नेता झलनाथ खनालले पनि ओलीलाई मन नपरेको संसद पुनर्स्थापना ऐतिहासिक भएको बताउनुभयो । अब संसदमा नयाँ खेल शुरु हुने पनि बताउनुभयो ।

नयाँ खेल के हो भन्ने खनालले प्रष्ट नपारे पनि नयाँ सत्ता समीकरणको खेल चलिरहेका बेला खनालको यो अभिव्यक्ति अर्थपूर्ण छ ।

प्रतिक्रिया

Leave a Reply

Your email address will not be published. Required fields are marked *