बर्दियामा फेरि पाटेबाघको आक्रमणबाट एक महिलाको मृत्यु

हिमालय टिभी
२०७७ फागुन २६ गते १७:४२
बर्दियामा फेरि पाटेबाघको आक्रमणबाट एक महिलाको मृत्यु

२६ फागुन २०७७ बर्दिया । बर्दियामा पाटेबाघको आक्रमणबाट फेरि एक महिलाको मृत्यु भएको छ । बर्दियामा बाघको आक्रमणबाट यो वर्ष मात्रै ८ जनाको ज्यान गइसकेको छ ।

मधुवन नगरपालिका वडा नम्बर ३ को सामुदायिक वनमा घाँस काट्न गएकी कोटियाघाट बजारकी २७ वर्षीय रिना सुनारको बाघको आक्रमणबाट मृत्यु भएको हो ।

आज दिउँसो २ बजेतिर समूहमा घाँस काट्न गएका बेला पाटेबाघले सुनारलाई आक्रमण गरेर लगेको थियो । पछि जंगलमा सुनारलाई मृत अवस्थामा फेला पारिएको थियो ।

यसअघि फाल्गुन १७ गते बर्दियाको गेरुवा गाउँपालिकामा पाटेबाघको आक्रमणबाट ६५ वर्षका एक पुरुषको ज्यान गएको थियो । पाटेबाघ आक्रामक बनिरहेकाले केही समय जंगल प्रवेश नगर्न डिभिजन वन कार्यालयले आग्रह गरेको छ ।

प्रतिक्रिया

Leave a Reply

Your email address will not be published. Required fields are marked *