मष्तिष्कघात भएका पूर्वमन्त्री जोशीको स्वास्थ्यमा उल्लेख्य सुधार

Himalaya Television
२०७७ फागुन १८ गते १७:०३

मष्तिष्कघात भएका पूर्वमन्त्री जोशीको स्वास्थ्यमा उल्लेख्य सुधार

१८ फागुन २०७७ काठमाडौं । मष्तिष्कघात भई उपचार गराइरहेका पुर्व मन्त्री एवं कांग्रेस नेता नवीन्द्रराज जोशीको स्वास्थ्यमा उल्लेख्य सुधार भएको छ ।

थापाथलीस्थित नर्भिक अस्पतालमा उपचार गराइरहेका जोशीको भेन्टिलेटरको सपोर्ट पनि कम गर्दै लगिएको छ । अस्पतालका अनुसार जोशीले आफै सास फेर्न थाल्नु भएको छ ।

यसअघि निकै कम रहेको उहाँको रक्तचाप पनि सामान्य अवस्थामा फर्किएको उपचारमा संलग्न न्यूरो सर्जन डा। राजीव झाले बताउनुभयो ।

नेता जोशीको स्वास्थ्य अवस्थामा लगातार सुधार भइरहे पनि खतरामुक्त भने भइनसकेको झाले जानकारी दिनुभयो ।

खतरामुक्त हुन ३ देखि ४ हप्तासम्म लाग्ने अस्पतालको स्वास्थ्य बुलेटिनमा उल्लेख छ ।


प्रतिक्रिया

Leave a Reply

Your email address will not be published. Required fields are marked *

Latest Programs