राष्ट्रपति भण्डारी र प्रधानमन्त्री ओलीबीच भेटवार्ता, पछिल्लो राजनीतिक घटनाक्रमबारे छलफल

Himalaya Television
२०७७ फागुन १४ गते ८:०५

राष्ट्रपति भण्डारी र प्रधानमन्त्री ओलीबीच भेटवार्ता, पछिल्लो राजनीतिक घटनाक्रमबारे छलफल

१४ फागुन २०७७ काठमाडौं । राष्ट्रपति विद्यादेवी भण्डारी र प्रधानमन्त्री केपी शर्मा ओलीबीच भेटवार्ता भएको छ।

प्रधानमन्त्री ओलीले हिजो साँझ शीतल निवास पुगेर राष्ट्रपति भण्डारीसँग भेटवार्ता गर्नु भएको हो ।

राष्ट्रपति भण्डारीका राजनीतिक सल्लाहकार लालबाबु यादवले राष्ट्रपति र प्रधानमन्त्रीबीच पछिल्लो राजनीतिक घटनाक्रमबारे छलफल भएको जानकारी दिनुभयो ।

सर्वोच्च अदालतले प्रतिनिधिसभा पुनःस्थापना गरेपछि प्रधानमन्त्री ओली पहिलोपटक राष्ट्रपति भेट्न शीतल निवास जानु भएको हो ।

भेटवार्तामा सर्वोच्चको फैसला, सरकारका काम कारबाही, प्रतिनिधिसभाको बैठक बोलाउने विषय, नेकपाको विवादलगायतका विषयमा छलफल भएको बुझिएको छ।

सर्वोच्च अदालतले १३ दिनभित्र संसद बैठक बोलाउन सरकारलाई निर्देशन दिएको छ।


प्रतिक्रिया

Leave a Reply

Your email address will not be published. Required fields are marked *

Latest Programs