हनुमानढोका दरबारमा वसन्त श्रवण

४ फागुन २०७७ काठमाडौं । वसन्त पञ्चमी पर्वका अवसरमा हनुमानढोका दरबारमा वसन्त श्रवण गरिएको छ ।

हनुमानढोकामा आयोजित विशेष समारोहमा राष्ट्रपति विद्यादेवी भण्डारीले वसन्त श्रवण गर्नुभएको हो ।

वसन्त श्रवण समारोहमा उपराष्ट्रपति नन्दबहादुर पुन, प्रधानमन्त्री केपी शर्मा ओली, सभामुख अग्नी सापकोटा, नेपाल सरकारका मन्त्री लगायत उच्च अधिकारीको सहभागिता रहेको थियो ।

वसन्त श्रवणमा राजतन्त्र हुञ्जेल राजा जाने गरेकामा लोकतान्त्रिक गणतन्त्र स्थापना भएपछि राष्ट्राध्यक्षका नाताले राष्ट्रपतिको उपस्थिति हुने गरेको छ ।

नेपाल पञ्चाङ्ग निर्णायक समितिले दिएको साइत अनुसार आज बिहान दश बजेर १७ मिनेटमा हनुमानढोकाको नासलचोकमा वसन्त श्रवणको राखिएको थियो ।