सरकार दोस्रो चरणको खोप अभियानको तयारीमा

Himalaya Television
२०७७ माघ २० गते १८:५८

सरकार दोस्रो चरणको खोप अभियानको तयारीमा

२० माघ २०७७ काठमाडौं । सरकारले दोस्रो चरणको खोप अभियानका लागि तयारी गरिरहेको बताएको छ ।

स्वास्थ्य मन्त्रालयका सह प्रवक्ता डाक्टर समीरकुमार अधिकारीले पहिलो चरणको खोप अभियान जारी रहेकै समयमा दोस्रो चरणका लागि पनि तयारी गरिरहेको बताउनुभयो ।

भारतमा उत्पादित कोभिशिल्डलाई मात्रै अहिलेसम्म प्रयोगको अनुमति दिएकोमा अब छिट्टै नै अन्य खोप पनि दर्ता गरिने सहप्रवक्ता अधिकारीले बताउनुभयो ।

विभिन्न देशले अनुदान वा उपहारमा खोप दिन चाहेपनि त्यसको विश्वनीयता हेरेर मात्रै नेपालमा ल्याउने पनि उहाँले बताउनुभयो ।

अधिकारीले पहिलो चरणमा खोप लगाएका व्यक्तिमा सामान्य समस्या देखिनुलाई खोपले काम गर्न थालेको संकेतको रुपमा बुझ्न पनि आग्रह गर्नूभयो ।

भारतले अनुदान स्वरुप दिएको १० लाख डोजबाट सरकारले खोप अभियान चलाइरहेको छ ।


प्रतिक्रिया

Leave a Reply

Your email address will not be published. Required fields are marked *

Latest Programs