एक करोड अवैध हुन्डी रकमसहित काठमाडौंबाट तीन जना पक्राउ

१८ कात्तिक, २०७७ काठमाडौं । एक करोड अवैध हुन्डी रकमसहित काठमाडौंमा तीन जना पक्राउ परेका छन् ।

पक्राउ पर्नेमा झापाका विकास मित्तल र कमल मित्तल तथा पर्वतका गणेश पौडेल रहेका छन् ।

नेपाल प्रहरीको केन्द्रीय अनुसन्धान व्युरोको टोलीले उनीहरुलाई सोमबार काठमाडौंको ओमबहालबाट पक्राउ गरेको हो ।

डीआईजी सहकुल थापाले पक्राउ परेकाहरुमाथि थप अनुसन्धान भइरहेको जानकारी दिनुभयो ।