वागमती प्रदेश प्रमुख प्रसाईंलाई कोरोना संक्रमण

१२ कात्तिक, काठमाडौं । वागमती प्रदेश प्रमुख विष्णु प्रसाईंलाई कोरोना सङ्क्रमण भएको छ । उहाँले आफ्नो पीसीआर रिपोर्ट पोजेटिभ आएको बताउनुभएको छ ।

उहाँ प्रदेश प्रमुखको कार्यालय हेटौडाबाट दशैंमा झापाको मेचीनगरस्थित घर जानुभएको थियो ।

विगत पाँच दिनदेखि शरीर दुख्ने, पसिना आउने जस्ता सामान्य लक्षण देखिएको र स्वास्थ्य अवस्था सामानय रहेको प्रदेश प्रमुख प्रसाईंको भनाइ छ ।

हाल घरमै आइसोलेसनमा रहेका उहाँका छोरा राजेशलाई पनि कोरोना सङ्क्रमण भएको छ ।