सामूहिक बलात्कारमा संलग्न दुई जना पक्राउ, फरार दुई जनाको खोजी हुँदै
२०७७ असोज २ गते १२:४६
२ असोज, २०७७, सप्तरी । सप्तरीको डाकनेश्वरी नगरपालिकाकी किशोरीको सामूहिक बलात्कारका मुख्य दुई आरोपी जनालाई प्रहरीले पक्राउ गरेको छ ।
पक्राउ पर्नेमा स्थानीय १८ वर्षीय बल्लु भनिने सुमन कुमार मण्डल र रन्जित मण्डल छन् ।
उनीहरुलाई बलान बिहुल गाउँपालिकाबाट पक्राउ गरिएको जिल्ला प्रहरी कार्यालय सप्तरीका डीएसपी तिलक भारतीले जानकारी दिनुभयो । फरार दुई जनाको खोजी भइरहेको छ ।
गत भदौ २९ गते धानखेतमा पानी लगाउन गएकी किशोरीलाई चार जना युवाले सामूहिक बलात्कार गरेका थिए ।
गाउँका अगुवाले केही नगद दिएर घटना मिलापत्र गर्न दबाव दिएपछि विक्षिप्त किशोरीले आत्महत्या गरेकी थिइन् ।
प्रतिक्रिया