काठमाडौंका घर खाली : भाडामा बस्ने भेटिएनन् (भिडियोसहित)

Himalaya Television
२०७७ भदौ २६ गते २१:०१

काठमाडौंका घर खाली : भाडामा बस्ने भेटिएनन् (भिडियोसहित)

२६ भदौ, २०७७ काठमाडौं । लकडाउन र निषेधाज्ञाका कारण काठमाडौं उपत्यकाका घर र कोठा खाली हुन थालेका छन् ।

कतिपय व्यापार व्यवसाय नै बन्द गरेर गाउँ फर्केका कारण घर खाली भएका हुन् । पहिलेभन्दा सस्तोमा दिँदा पनि घर भाडामा गएका छैनन् ।

काठमाडौंको अनामनगरमा मात्र हैन, कुनै समय डेरा र सटर पाउनै मुस्किल पर्ने काठमाडौं उपत्यकाका सबैजसो ठाउँमा हिजो आज जताततै टु लेट र कोठा, फ्ल्याट खाली छ’ भन्ने सूचना देख्न सकिन्छ ।

कोरोना भाइरस संक्रमण रोकथामका लागि चैतमा शुरु भएको लकडाउन र त्यसपछिको निषेधाज्ञाका कारण व्यापार व्यवसाय ठप्प छ । कतिपय व्यवसायी विस्थापित नै भए ।

होटल, रेष्टुरेण्ट, होस्टल चलाउनेहरु अधिकांश ब्यवसाय नै बन्द गरे । त्यसैले घर खाली छन् ।

अध्ययनका लागि काठमाडौं बस्ने पनि स्कुल कलेज खुल्ने टुंगो नभएकाले गाउँ फर्केका छन् । आम्दानीको मुख्य श्रोत नै घर बहाल भएका काठमाडौंका धेरै जसो घरबेटीलाई कोठा खाली भएपछि अहिले आर्थिक समस्या परेको छ ।

कतिपय घरधनीले बैंकको ऋण लिएर पनि घर बनाएका थिए । उनीहरुले बहाल उठाएर बैंकको किस्ता तिर्दै आएका थिए । तर अहिले बहालमा बस्नेले छाडेपछि उनीहरुलाई बैंकको किस्ता तिर्न पनि समस्या परिरहेको छ ।


प्रतिक्रिया

Leave a Reply

Your email address will not be published. Required fields are marked *

Latest Programs