कोशी अस्पतालमा कोरोना संक्रमितको मृत्यु, मृत्यु हुनेको संख्या ५८ पुग्यो

Himalaya Television
२०७७ साउन १९ गते १७:४१

कोशी अस्पतालमा कोरोना संक्रमितको मृत्यु, मृत्यु हुनेको संख्या ५८ पुग्यो

१९ साउन, २०७७, विराटनगर । विराटनगरमा सोमबार कोरोना संक्रमित एक पुरुषको उपचारको क्रममा मृत्यु भएको छ ।

विराटनगर ५ का ७७ वर्षीय पुरुषको कोसी अस्पतालमा उपचारको क्रममा मृत्यु भएको अस्पतालले जनाएको छ ।

कोसी अस्पतालका चिकित्सक डा. दिपक सिग्देलका अनुसार उनी सोमबार बिहान श्वासप्रश्वासमाको समस्या लिएर आएका थिए । उनमा कोरोनाको शंका लागेर स्वाब संकलन गरी आइसोलेशनमा राखेर उपचार थालिएको थियो ।

उनको उपचारको क्रममा मृत्यु भएको र परीक्षणको रिपोर्ट पनि पोजेटिभ आएको उहाँले जानकारी दिनुभयो ।

कोशी अस्पतालमा कोरोना संक्रमितको मृत्यु भएको पहिलो केस हो । यसअघि मोरङको सुनवर्षीका एक पुरुषको उपचारको क्रममा बीपी कोइराला स्वास्थ्य विज्ञापन प्रतिष्ठान धरानमा मृत्यु भएको थियो ।

कोरोना संक्रमितको मृत्यु भएपछि परिवारको सहमतिमा नेपाली सेनाको टोलीले शव व्यवस्थापन गर्ने डा. सिग्देलले जानकारी दिनुभयो । योसँगै नेपालमा कोरोना संक्रमणबाट मृत्यु हुनेको संख्या ५८ पुगेको छ।


प्रतिक्रिया

Leave a Reply

Your email address will not be published. Required fields are marked *

Latest Programs