प्रधानमन्त्री ओली र सभापति देउवाबीच भेटवार्ता

Himalaya Television
२०७७ साउन ८ गते १९:२१

प्रधानमन्त्री ओली र सभापति देउवाबीच भेटवार्ता

८ साउन, २०७७ काठमाडौं । नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओलीसँग भेटवार्ता गर्नुभएको छ ।

बालुवाटार पुगेर प्रधानमन्त्रीलाई भेटेका देउवाले लकडाउन खुलेपछिको चुनौती सामना गर्न नयाँ र विशेष रणनीति बनाउन सुझाव दिनुभएको छ ।

देउवाले परिक्षण पीसिआर प्रविधिबाट मात्रै गर्न आग्रह गर्दै, क्वारन्टिन अझैपनि मापदण्डयुक्त बनाउन सरकारले ध्यान नदिएकोमा आपत्ति प्रकट गर्नुभएको छ ।

कोरोनाका कारण सिर्जित असन्तुष्टि र आन्दोलन अनि माग सम्बोधन गर्न बाढी पहिरो पीडितको राहत, उद्धार र पुनस्थापनाका लागि काम गर्न देउवाले प्रधानमन्त्रीसँग आग्रह गर्नुभएको हो ।

यस्तै विदेशमा अप्ठ्यारोमा परेका नेपालीको पनि छिटो उद्धार गर्न देउवाले प्रधानमन्त्रीको ध्यानाकर्षण गराएको कांग्रेसले जनाएको छ ।


प्रतिक्रिया

Leave a Reply

Your email address will not be published. Required fields are marked *